შერჩევა მარკის მიხედვით

შერჩევა ფასის მიხედით

შერჩევა ფასდაკლების მიხედვით

შერჩევა ტიპის მიხედვით

სხვა კატეგორიები

სტოკზე არსებული ავტომობილები

  • DISCOUNT COUPONS
  • MEGA STOCK AUTOPARTS
vs
Nissan X-Trail Nissan X-Trail

Nissan X-Trail მახასიათებლები:

  • მგზავრები: 5
  • 4 წამყვანი თვალი (სრული მოდება)
  • MPG: 31.7
  • მუხრუჭის ანტიბლოკირების სისტემა
  • ელ. შუშები
  • აირბეგი
Toyota RAV4 Toyota RAV4

Toyota RAV4 მახასიათებლები:

  • მგზავრები: 5
  • 4 წამყვანი თვალი (სრული მოდება)
  • MPG: 31 / 25
  • მუხრუჭის ანტიბლოკირების სისტემა
  • ელ. შუშები
  • აირბეგი

მონაცემები

კომპაქტური ყველგანმავლების შედარების დროს ვარირება ხდება იაფიდან უფრო ძვირადღირებულამდე, მანქანის ტიპის მიხედვით სრულყოფილ კროსოვერამდე. სწორედ ამ თემას ეხება შედარება 2 მანქანისა , რომელიც ჩვენს წინაშეა წარმოდგენილი.ესენია: Toyota RAV4 და Nissan X-Trail. იმ ავტომობილებისგან განსხვავებით, რომლებსაც როგორც წესი ადარებენ RAV4 და X-Trail-ს, ეს მანქანები გვთავაზობენ საუკეთესო თანხვედრას ფასსა და ხარისხს შორის, ასევე საუკეთესოა ბალანსი მახასიათებლების განხილვისას.

ეს ყველგანმავლები გვთავაზობენ საკმარის ადგილს 4 ან 5 მგზავრისათვის, ზოგჯერ კიდევ უფრო მეტისთვისაც, ასევე არის ბარგისთვის განკუთვნილი სივრცეც.

ორივე ავტომანქანა თავდაპირველად შეიქმნა, როგორც კომპაქტური ყველგანმავალი,შემდეგ ისინი საშუალო ზომის გახდა, როგორც უმრავლესობა მათი მოდელებისა თაობიდან თაობამდე. ზოგადად, როგორც კომპაქტური, ასევე საშუალო ზომის ყველგანმავლები შექმნილია რათა შესთავაზოს თავიანთ ე.წ ბიძაშვილების - სრული ზომის ყველგანმავლების მრავალფუნქციურობა ბევრად ეკონომიური კომპლეკტაციით. დღეისათვის, განაკუთრებით აქტიურ ოჯახებს ეს ყველგანმავლები სთავაზობენ საკმარის სივრცეს 4,5 მგზავრისთვის, ზოგჯერ უფრო მეტისთვისაც და ასევე სივრცეს ტვირთისთვის. უმეტესობა აღჭურვილია ყველა წამყვანი ბორბლებით (AWD) ან ოთხი წამყვანი ბორბლით, თუმცა ზოგიერთი აღჭურვილია მხოლოდ წინა წამყვანი ბორბლებით (FWD), რაც მნიშვნელოვნად ამცირებს მათ შესაძლებლობებს უგზოობის და უამინდობის შემთხვევებში. ამ კომბინაციამ დაადასტურა თავისი წარმატებულობა, და ამჯამად იგი არის ყველაზე სწრაფად განვითარებადი სეგმენტი მსოფლიოში, რომელიც სერიოზულ კონკურენციას უწევს ლუქს კლასის მსხვილ ავტომწარმოებლებსაც კი.

Nissan X-Trail–ს არ აქვს ისეთი დიდი ისტორია, როგორიც აქვს Toyota RAV4, მისი წარმოება დაიწყეს 2000წლიდან. 1994 წელს RAV4 ჩაუყარა საფუძველი სეგმენტს, რომელმაც სხვა ავტომწარმოებლები დაჩრდილა, თუმცა არც ისე დიდი ხნით. ორივე ავტომობილი წარმოდგენილია მესამე და მეოთხე თაობებით, რაც მიანიშნებს, რომ ისინი შესაბამისად განვითარდნენ და გახდნენ გამოცდილ ყველგანმავლებად. მისცა უპირატესობა Toyota–ს RAV4–ს ხანგრძლივმა ისტორიამ X-Trail–თან შედარებით, ან Nissan–ის ინჟინერებს ხომ არ მიეცათ მეტი დრო პაკეტზე საფიქრელად? შედარების მიზნით ავიჩიოთ პირველი თაობის X-Trail და მეორე თაობის RAV4, კერძოდ, 2002 წლის მოდელი. როგორია ამ ორი პოპულარული კომპაქტური SUV-ის ერთმანეთთან შედარება?

ეს ორივე ყველგანმავალი კროსოვერი, როგორც 2002წლის Nissan X-Trail და Toyota RAV4, იღებენ კარგ შეფასებას კრიტოკოსებისა და მომხმარებლებისაგან.

მიმოხილვა

ეს ორივე ყველგანმავალი კროსოვერი, როგორც 2002წლის Nissan X-Trail და 2002წლის Toyota RAV4, იღებენ კარგ შეფასებას კრიტოკოსებისა და მომხმარებლებისაგან. ორივე კაგი შედეგის დემოსტრირებას ახდენს იქ, სადაც საჭიროა, თანაც რამდენიმე მიმართულებით. თუ გჭირდებათ სივრცე ოთხი მგზავრისთვის, შეიძლება მეხუთესთვისაც, ასევე ადგილი ნივთებისთვის, ორივე მათგანს აქვს ეს. თუ გსურთ რაიმე მოცულობითი ტვირთის ბუქსირება, მაგალითად პატარა ნავის ან მინიკემპინგის მისაბმელისა, ორივე X-Trail და RAV4 ამას ადვილად გაუმკლავდება. შიგნით, ორივე X-Trail და RAV4 იყენებს დაბალი ხარისხის პლასტიკატს, ამ მხრივ თითქმის ერთნაირები არიან, მაგრამ RAV4–ის სავარძლები უფრო კომფორტულია, თუმცა არა ისეთი ფართო, როგორც X-Trail–ის, რომელსაც ინტერიერის სივრცე უფრო დიდი აქვს. მეორეს მხრივ, ეს ორი ყველგანმავალი SUV გთავაზობთ განსხვავებულ შესაძლებლობებს, რომელიც ყურადღებას იმსახურებს.

რაც შეეხება ექსტერიერის დიზაინს, RAV4 განიხილება ოდნავ უფრო თანამედროვედ, უფრო მომრგვალებული ფორმები აქვს აწყობილი მსუბუქი მანქანის შასიზე, ხოლო X-Trail განიხილება უფრო მოძველებულად, თუმცა ეს არ არის მიზეზი უარი ითქვას X-Trail–ზე, როცა მას ასეთი დიდი შიდა სივრცე აქვს. ეს ორი ყველგანმავალი ექსტერიერის ზომებითაც განსხვავდება, RAV4 უკეთ გრძნოვს თავს ურბანულ და გარეუბნის პირობებში, ხოლო X-Trail უფრო ქალაქგარე პირობებისთვისაა. თუ შევხედავთ კაპოტს, აღმოვაჩენთ, რომ არც ერთი მანქანა არ არის განკუთვნილი მთაგორიანი ადგილისათვის, თუმცა X-Trail-ის ადაპტირებული სისტემა - სრული სვლის სისტემა 4WD, უფრო მეტად მყარია, ვიდრე RAV4-ისა. იგივე შეგვიძლია ვთქვათ ძრავაზე, რამდენადაც X-Trail გამოირჩევა უფრო ძლიერი მახასიათებლებით.

მთავარი განსხვბავება X-Trail-სა და RAV-ს შორის მდგომარეობს ძრავის სიძლიერეში. მიუხედავად RAV4-ის სიძვირისა, ორივე ერთსა და იმავე პაკეტს გვათავაზობს. რაც შეეხება ძრავის ვარიანტებს, X-Trail ძრავის მოცულობით აშკარა ლიდერია, მაშინ როცა RAV4 -ის შედარებით პატარა ძრავი, მეტად ეკონომიურია საწვავის მხრივ. საბოლოოდ, მართალია Nissan-ი არ ჩამორჩება, როდესაც საქმე სანდოობას და გამძლეობას ეხება, მაგრამ Toyota-ს თავისი არსებობის მანძილზე აქვს საიმედოდ მუშაობის შთამბეჭდავი ისტორია , რითაც შეიძლება აიხსნას უკეთესი ღირებულების შენარჩუნება მეორად ავტომობილებზე. ამ ორ ძლიერ და პოპულარულ ყველგანმავალს შორის არჩევისას უნდა გახსოვდეთ, რომ ორივე კარგი მანქანაა, სათანადო ტექმომსახურების პირობებში, ორივე წლების განმავლობაში უზრუნველყოფს შესაბამის მომსახურებას. გარდა ამისა, როდესაც შეკეთების დრო დადგება , ორივე მოდელი იმდენად პოპულარულია, რომ შესაცვლელი ნაწილების პოვნა არ გაგიჭირდებათ. BE FORWARD-ს ამჟამად სტოკზე ჰყავს რამოდენიმე Nissan X Trail და Toyota Rav 4 გამზადებული გასაგზავნდად.რატომაც არა, გადახედეთ თავად სტოკის სიას და აირჩიეთ თქვენთვის, თქვენი ოჯახისა თუ მცირე ბიზნესისათვის.

ინტერიერი

Nissan X-Trail Nissan X-Trail Nissan X-Trail Nissan X-Trail

გამოსახულია საათის ისრის მიმართულებით ზედა მარცხენა კუთხიდან: მძღოლის სავარძელი, საბარგული, წინა სავარძლები, უკანა სავარძლები

X-Trail

მარალი ბორტისა და გრძელი ბორბლების ბაზის გამო Nissan X-Trail გვთავაზობს შთამბეჭდავ ინტერიერის სივრცეს და საუკეთესო ხედვის არეალს. ვინც აფასებს დიდი სივრცეს Nissan X Trail მათთვის სამოთხეა, რომელიც განკუთვნილია 5 ზრდასრული მგზავრისათვის. თუმცა უკანა სავარძლებზე სასურველია უფრო პატარა აღნაგობის ზრდასრულები მოთავსდნენ. გარკვეული მიზეზების გამო, უკანა სავარძელი ცენტრში არ არის აღჭურვილი სამ-წერტილიანი უსაფრთხოების ღვედით. გარდა ამისა, როგორც ჩანს უპირატესობა მიენიჭა საბარგო სივრცეს მგზავრებისათვის განკუთვნილ სივრცესთან შედარებით,ამასთან მაღალი მგზავრები გრძელი ფგეხებით აღმოაჩენენ, რომ უკანა სავარძლები რამდენადმე ვიწროა. ამავდროულად, უკანა ბარგის სათავსო, აწეული უკანა სავარძლებითაც კი, საკმაოდ შთამბეჭდავია ამ კლასში.

მიუხედავად იმისა, რომ ინტერიერი ნამდვილად ვრცელია, Nissan X Trail-ის მფლობელები ამას არ ჩათვლიან დიდ კომფორტად და არც ისე მყუდროდ, ამ სეგმენტის სხვა შეთავაზებებთან შედარებით. ინსტრუმენტების პანელი შესაძლებელია სპეციფიკური(უჩვეულო) იყოს მძღოლებისათვის. კერძოდ: საზომები იგადაადგილებულია მართვის ცენტრისკენ, ნივთების განსათავსებელი დამატებითი განყოფილება მდებარეობს საჭის ქვემოთ, რასთან შეჩვევასაც ალბათ დრო დასჭირდება. მართვის ხაზი და სხვა კონტროლის ელემენტები ადვილად ხელმისაწვდომია ცენტრალურ კონსოლზე. ჩვენ სრულიად გარკვეული არ ვართ მიზეზში.შესაძლებელია ვივარაუდოთ, რომ წვრილმანი ნივთებისათვის განკუთვნილი მეორე განყოფილების განთავსების გამო, კონდიციონერის სავენტილაციო ხვრელები დამაგრებულია საჭის ქვემოთ, რაც სახის გაგრილებას ოდნავ ართულებს.
Nissan X-Trail–ის ინტერიერი გაწყობილია ცვეთაგამძლე პლასტიკატით, რომელიც არის განსაკუთრებით გამძლე, მაგრამ შეხება არც ისე სასიამოვნოა. ვისაც სურს საბარგულში ნივთების ცალაგება,უმჯობესია გამოიყენოს ბარგის ბადე, ვინაიდან ცალკეული ნივთი საბარგულში ისრიალებს.

Nissan X Trail, გარდა მასიური ზომისა და მაღალი ბორტისა, აღჭურვილია უსაფრთხოების სტანდარტის უმეტესი საშუალებებით, როგორიცაა წინა აირბალიშები, დაბლოკვის საწინააღმდეგო დამუხრუჭების სისტემა და ასევე დამუხრუჭების ძალის განაწილების ელექტრონული სისტემა. პირველი თაობის Nissan X Trail-ს არ გააჩნდა სტაბილურობის ელექტრონული კონტროლის სისტემა, რომელიც ბევრის მოლოდინით უნდა ჰქონოდა საოჯახო ავტომობილს.

Toyota RAV4 Toyota RAV4 Toyota RAV4 Toyota RAV4

გამოსახულია საათის ისრის მიმართულებით ზედა მარცხენა კუთხიდან: მძღოლის სავარძელი, საბარგული, წინა სავარძლები, უკანა სავარძლები

RAV 4

ყველგანმავალ SUV–ებში RAV4–ის ინტერიერი ერთ–ერთი ყველაზე პატარაა. მართალია სალონი გვთავაზობს 5 დასაჯდომ პოზიციას, მაგრამ რეალურად მასში მხოლოდ 4ადამიანი მოთავსდება კომფორტუილად. ამასთან უკანა სავარძლებზე მსხდომნი აღმოაჩენენ, რომ არ არის საკმარისი ადგილი ფეხებისათვის, განსაკუტრებით თუ წინა სავარძელზე მსხდომ მგზავრებსაც გრძელი ფეხები აქვთ. მიუხედავად ამისა, 4 ზრდასრული საშუალო აღნაგობის ადამიანი Toyota Rav4-ს ჩათვლის კომფორტულ მანქანად, განსაკუთრებიტ მოსახერხებელია წინა სავარძლები. რამდენადაც Rav 4 მსუბუქი მანქანის შასიზეა აწყობილი, მოულოდნელი არ უნდა იყოს, რომ ინტერიერი და დამახასიათებელი ფუნქციებიც მორგებულია მსუბუქი მანქანის შესაბამისად.ეს ფუნქციებია: ელექტრონული მართვა, ჩაჯდომა გასაღების გარეშე, ელექტრონული ბლოკირება.

მგზავრის კომფორტული სივრცის გარდა Rav 4-ს დამატებით აქვს კარგად და მოხერხებულად დაგეგმილი უამრავი სათავსო:გარდა რეალურად არსებული საბარგულისა, მას აქვს ჭიქის დამჭერები,კარის პანელზე განთავსებულია ჯიბეები,მისაბმელი სამაგრის კაუჭები და დამჭერი სავაჭრო(shopping) ჩანთებისათვის. აშკარაა, რომ RAV4 შემუშავებულია, როგორც საოჯახო მანქანა. მიუხედავად ამისა, შესაძლებელია უკანა სავარძლების დაკეცვა, რაც თითქმის აორმაგებს სათავსო სივრცეს, ან სულაც ამოიღეთ უკანა სავარძლები და მიიღეთ ბრტყელი დასატვირთი იატაკი, რაც აშკარად განსხვავებული მახასიათებელია პატარა ყველგანმავალისთვის.

მანქანის სამართავი საშუალება, როგორიცაა სიჩქარის ცვლის ბერკეტი, აუდიო სისტემა და კლიმატ-კონტროლი ადვილად მისახვედრია გამოსაყენებლად განთავსებულია ერგონომიულად. საჭის რგოლს გააჩნია დახრის რეგულირება, ასევე სავარძლებსაც აქვთ დარეგულირების საშუალება.დამატებით კი მძღოლის სავარძელს გააჩნია სიმაღლის ცვლის რეგულაცია. ოთხდინამიკიანი აუდიო სისტემა, რომლის შემადგენლობაშია CD პლეიერი,კარგად არის ბალანსირებული, თუმცა საერთო სიძლიერე არ აძლევს უფლებას ითვლებოდეს საჩვენებელ მანქანათა რიგში. უმეტესწილად მძღოლი და მგზავრები სიამოვნებას ღებულობენ მშვიდი მგზავრობით მაღალი სიჩქარით მოძრაობის დროსაც კი.თუმცა ვინმემ შეიძლება საყვედური გამოთქვას ძრავის ხმაურთან დაკავშირებით, როდესაც ის მოძრაობს მაგისტრალზე.

ინტერიერის პრივილეგიებში აღსანიშნვია კოსმეტიკური სარკეები მძღოლისა და წინ მჯდომი მგზავრისათვის, ასევე რუკის ინდივიდუალური განათება და წინა სავარძლის უკან მხარეს არსებული ჯიბეები. წინა პანელზე ასევე დამაგრებულია ციფრული საათი.


ექსტერიერი

Nissan X-Trail Nissan X-Trail Nissan X-Trail Nissan X-Trail

გამოსახულია საათის ისრის მიმართულებით ზედა მარცხენა კუთხიდან: წინა მგზავრის მხრიდან, უკანა კუთხე, უკანა ხედი, წინა ხედი

X-Trail

Nissan X Trail-ს პირველივე შეხედვით შეამჩნევთ, რომ ის უფრო სწორკუთხოვანი ფორმებით ხასიათდება, ვიდრე სხვა ყველგანმავლები ბაზარზე. დროის და მიხედვით,სხვა ავტომობილები იყო კვადრატული-სწორკუთხოვანი ფორმების , მაგრამ 2002 წლიდან ასეთები თითქმის აღარ გვხვდება. შეიძლება ის ყველაზე მომხიბვლელი იერით არ გამოირჩევა, მაგრამ იმსახურებს ზუსტად(სწორად) განხილვას. შეიძლება ამიტომაცაა X-Trail ასე პოლარიზებული. ზოგიერთმა შეიძლება ჩათვალოს, რომ ეს არის გასული წლის დიზაინი, თუმცა სხვები მას აღიქვამენ სრული ზომის ყველგანმავალის(SUV) პატარა ვარიანტად.ყველგანმავლისტვის დამახასიათებელი შესაბამისი მძლავრი სტილით და საწვავის ეკონომიური მოხმარებით. მეორეს მხრივ, არსებობს ბევრი ყოველმხრიც წარმატებული ყველგანმავლები, რომლებისთვისაც არ შეუცვლიათ თავიანთი იერსახე ბოლო ათწლეულების მანძილზე.

ფაქტია, რომ X Trail არ არის ეკონომიური მანქანა, რაც მოსალოდნელიც იყო.მიუხედავად ამისა, ის ყოველ მიზეზ გარეშე განიხილება დიდ და მძიმეწონიან ყველგანმავალად. მაღალი ბორტი გადმოღებულია Nissan Primera-ს შასისგან, რაც X Trail-ს გაცილებით მაღალ და მრისხანე იერს აძლევს, რაც მისაღებია ზოგიერთი ადამიანისათვის. რა თქმა უნდა მისი მაღალი ბორტი(კორპუსი)ასევე მოსახერხებელია გაწმენდისას და ტვირთის ჩადებისას,რადგანაც არ არის საჭირო არაფრის აწევა ტვირთის მოუხერხებელ კარში შესადებად, მითუმეტეს როცა X trail-ს აქვს განიერი უკანა ლუქი(ჩასადები). ვისაც ტვირთისთვის შედარებით დიდი საბარგო სივრცე ესაჭიროება დააფასებს ოფციონალური სახურავის ძელებს და ასევე მსუბუქი მისაბმელის შესაძლებლობას- 700კგ. -მდე, რომელიც სათანადოდ არის აღჭურვილი.

აირჩიეთ პრემიუმ Nissan X trail Ti.გაფორმება მოიცავს განაახლოს ბორბლები შენადნობით, რომელსაც კვლავ მორგებული აქვს 65-ე სერიის ყველა სეზონის საბურავები. ისინი,ვინც უპირატესობას ანიჭებს ელექტრონულ ლუქს,აღმოაჩენენ, რომ ის საკმაოდ დიდია და უკანა სავარძლებზე მსხდომ მგზავრებს საშუალება აქვთ ცის შესანიშნავი ხედით დატკბნენ.

Toyota RAV4 Toyota RAV4 Toyota RAV4 Toyota RAV4

გამოსახულია საათის ისრის მიმართულებით ზედა მარცხენა კუთხიდან: წინა მგზავრის მხრიდან, უკანა კუთხე, უკანა ხედი, წინა ხედი

RAV 4

გარე იერით, Toyota RAV4 არ მიყვება სწორკუთხოვანი SUV-ების დიზაინის რიგს. ის ნამდვილად არ იყო შექმნილი უგზოობისათვის და შესაბამისად არც გამოითქმოდა რაიმე პრეტენზია მისი პროფილისა და ქცევის მიმართ. მართალია ატვიდან სამკარიანი და ხუთკარიანი მოდელები გამოდიოდა, მაგრამ 2002 წლიდან სამკარიანების წარმოება პრაქტიკულად შეწყდა და Rav 4 -ში შემდეგი ცვლილებები შეიტანეს: გაფართოვდა მგზავრებისა და ბარგისათვის განკუთვნილი სივრცე, გაუმჯობესდა მგზავრობის ხარისხი და კომფორტულობა. შეიძლება ითქვას, რომ Toyota–მ იღბლიანი კარტი აიღო, როცა ხელი ჩამოართვა RAV4–ის დიზაინერებსა და ინჟინერებს. მას მძლავრი 4WD–ს პროპორციები აქვს, როგორიცაა მაღალი ფანჯრები და მასიური ბორბლები და ამასთან კარგად გააზრებული მომრგვალებული ფორმები. ფაქტიურად წახნაგები აღარ რჩება და შედეგად ვიღებთ ნაკლებად აგრესიული იერის AWD მანქანებს.

უკანა კარი, რომელზეც სათადარიგო ბორბალია დამაგრებული, ჩამოკიდებულია მარჯვნივ და არა ზემოთ ან მარცხნივ, რაც შეიძლება გარკვეული უხერხულობა იყოს ზოგიერთი მძღოლისთვის. გზის მარჯვენა მხარეს მოძრავი მანქანები, რომლებიც შესაბამისად პარალელურად დგომისას გზის მარჯვენა მხარეს ჩერდებიან, მარჯვნივ დაკიდული კარი შეიძლება მოუხერხებელი იყოს საბარგულში ჩატვირთვისთვის. მეორეს მხრივ, ეს მოსახერხებელია მარცხნივ მოძრავი და მარცხნივ გაჩერებული მანქანებისთვის. მთელს მსოფლიოში გავრცელებული Rav4-ის ვერსიისათვის იდეალური იქნებოდა კარის ანჯამის(პეტლის) ზედა მხარეს დამაგრება, მაგრამ Toyota- ამ ეს გადაცყვეტილება არ მიიღო 2013 წლამდე.

16” ფოლადის დისკებით და 70–იან სერიის ყველა სეზონის საბურავებით, ასევე შავი საშხეფებით, მოკლე წინა და უკანა დაკიდებებით, ნისლის საწინააღმდეგო ფარებით 2002 წლის Toyota RAV4 ნამდვილად გამოიყურება მძლავრ ოფროუდერად და ოფციონალური დაბლოკვადი ცენტრალური დიფერენციალი მას დიდ შესაძლებლობებს აძლევს თავი გამოიჩინოს უგზოობის დროს მართვისას. თუმცა, RAV4 მაინც უფრო ურბანული სამოძრაოა, სტაბილურობისთვის განიერი დგომით.

სხვა SUV–ებთან შედარებით RAV4 საკმაოდ პატარაა, მაგრამ ზომას უპირატესობად აქცევს, რამდენადაც უფრო მანევრირებადია ვიდრე სრული ზომის SUV–ები. მისაბმელის დასამაგრებლით აღჭურვილ 2002 წლის Toyota RAV4–ს შეუძლია 700 კგ–მდე ტვირთის გამობმა, რაც შესანიშნავია უქმეებზე გასართობი აღჭურვილობის ან სათამაშოს წასაღებად.


ტარების გამოცდილება

X-Trail

მისი ზომისა ძრავის ვარიანტების გამო Nissan X Trail არ ითვლება ბოლომდე ქალაქის მანქანად, მაგრამ იდეალურია გაშლილ და უხეშ გზებზე სამოძრაოდ. რადგან ასე მაღალია, მძღოლებს კარგი ხედვა აქვთ, ერთ–ერთი ყველაზე დიდი სათბურია სეგმენტში, რომელიც ასევე შედის “ფრთხილი მართვის” სეგმენტშიც. სხვაგვარად რომ ითქვას, X-Trail სპორტული მანქანა არ არის და ვერასოდეს მოუხვევს სპორტული მანქანასავით. მეორეს მხრივ, არც ერთ სპორტულ მანქანას არ აქვს ინტერიერის ასეთი სივრცე და მრავალფეროვნება.

კაპოტის ქვეშ Nissan X Trail-ს აქვს 4-ცილინდრიანი ძრავის რამოდენიმე ვარიანტიდან ერთერთი, რომელიც გასაოცარ სიმძლავრეს იძლევა.ყველაზე პატარა 2.0 ლიტრიან ბენზინის ძრავასაც კი შეუძლია განავიტაროს 140ცხ. ძალა. სპეციალური გამოშვება Nissan X Trail GT- ექსპლუატაციაში შევიდა 2002 წლია ზაფხულში, რომელიც აღჭურვილი იყო ტურბოდამმუხტავი ოთხცილინდრიანი 2.0ლ. ძრავით და ავითარებდა 280 ცხ. ძალას. ძრავებისათვის შერჩეულია ოთხსიჩქარიანი ავტომატური ან ხუთსიჩქარიანი მექანიკური ტრანსმისია, ასევე 2 წამყვანი (2WD) ან 4 წამყვანი თვლის (4WD) სისტემა, რაც x Trail-ს დამსახურებულად აქცევს ყველგანმავალ ავტომობილად.

ნორმალური მართვისას, X Trail მოძრაობს როგორც წინა წამყვანი თვლის (FWD) მანქანა და ჩვეულებრივ უფრო ეკონომიურია ვიდრე, მსგავსი ყველგანმავალი უკანა წამყვანი თვლით (RWD). თუმცა მისი აეროდინამიური ძალა არ აძლევს მას სრულ თავისუფლებას მანევრირებისას. გზის ზედაპირზე ცუდი მოჭიდების პირობებში, როგორიცაა თოვლი ან ხრეში ყველა წამყვანი თვლის (AWD) რეჟიმზე გადასვლა ცენტრალურ კონსოლზე მაჩვენებლის მობრუნებით “2WD&rdquo -დან - “AUTO&rdquo-ზე, მხოლოდ ცოტაოდენ დაგეხმარებათ, რადგან სისტემა არ იმოქმედებს უკანა ბორბლებზე მანამ, სანამ არ იკნება შემჩნეული, რომ ცინა ბორბლებზე მოჭიდება დაკარგულია, რაც ამცირებს მის ეფექტურობას. შესაძლებელია “LOCK&rdquo (ბლოკირების) სისტემის გამოყენება, რომლითაც ეფექტურად გადახვალთ 4-წამყვანი თვლის (4WD) რეჟიმზე მაჩვენებლის კვლავ მობრუნებით, მაგრამ ეს არ არის რეკომენდებული ვინაიდან ის მიმართულებას შუცვლის და გაანახევრებს მობრუნების მომენტს წინა ღერძზე. ეს კარგია უგზოობაში, ასევე საკმაოდ ეფექტურია მაქსიმალური შეჭიდების მისაღწევად, 30 კმ/სთ სიჩქარემდე, მაგრამ ასფალტზე LOCK რეჟიმით მოძრაობა გარკვეული დროის განმავლობაში გამოიწვევს ტრანსმისიის გადახრას და შესაძლოა დაზიანებაც.

მძღოლების უმეტესობა მიიჩნევს, რომ საჭის მართვის მექანიზმი და დაკიდება კარგად მორგებულია დავალების შესასრულებლად - არც ძალიან ზუსტი და არც მიმტევებელი. მართალია უმეტესობას ურჩევნია მექანიკური ტრანსმისია საწვავის ეკონომიის გამო და უგზოობისას მართვის კონტროლის მეტი შესაძლებლობით, მაგრამ ავტომატური ტრანსმისია უკეთესად ართმევს თავს უგზოობასთან დაკავშირებულ სირთულეებს.

RAV 4

Toyota Rav4-ს როდესაც მართავთ ნათლად ჩანს, რომ იგი შექმნილია კომპაქტური ქალაქის ავტომობილად და რომ არასოდეს განისაზღვრებოდა მისი მოხვედრა უგზოობაში. უნდა ითქვას, რომ Rav 4 აბსოლუტურად საოცნებო მანქანას წარმოადგენს ქალაქში სამოძრაოდ და ასევე სარეისოდ მაგისტრალზე. მას აქვს საკმარისი ენერგია, რომ მგზავრობა გახადოს საინტერესო, მაგრამ არა იმდენად, რომ მაგისტრალზე მოძრაობა გაუმარტივდეს, რაც განპირობებულია მისი პატარა მოცულობის ძრავებით, რომელიც მერყეობს 1.8ლიტრიდან - 2.0 ლიტრამდე.

კომბინაცია მხოლოდ 127ცხ. ძალიდან - 148ცხ.ძალამდე და სრულად დატვირთული კაბინა გახდა ზოგიერთის უკმაყოფილების მიზეზეი. ბევრისათვის ძრავის-V6 ვარიანტის არ არსებობა გახდა მიზეზი მოეძებნათ ეკოლოგიური კომბინაცია სხვაგან. ცადეთ ზღვრულ მნიშვნელობამდე მიწოლა და მოუსმინეთ მექანიზმების ხმაურს. მართვის სიამოვნების უკეთესი ზღვრული კოეფიციენტის მისაღწევად მოძებნეთ 5 -სიჩქარიანი მექანიკური გადაცემატა კოლოფი. ძრავის მოცულობის ვარიანტები - 1.8ლ. და 2.0ლ. - ოთხსიჩქარიანი ავტომატური ტრანსმისიითაც კი გვთავაზობს საწვავის საგრძნობ ეკონომიას სედანებტან შედარებით, რომლებიც გაცილებით მეტ საწვავს იყენებენ.

მეორეს მხრივ, Rav 4 არასოდეს განიხილებოდა როგორც სარბოლო ავტომობილი.ის საკმაოდ კომფორტული და იოლად სამართავია, რაც მისი მანქანის მსგავსი დაკიდებისა და მართვის მახასიათებლების დამსახურებაა.ამდენად არც კი იგრძნობა თუ დიდ ავტომობილს მართავთ. გზატკეცილზე მოძრაობის დროს სიჩქარის მომატებისას ის კომფორტული და საკმაოდ ჩუმია, მაგრამ მაინც შეუდარებელია, როდესაც მოძრაობს ქალაქსა და გარეუბნებში, რომლებშიც ყველაზე ხშირად გადაადგილდებიან ოჯახებთან ერთად. ეს იმაზე არ მიუთითებს, რომ თქვენ ვერ შეძლებთ Rav4-ის მართვას ცუდ გზაზე, მაგრამ აღსანიშნავია, რომ ის არ იყო შექმნილი ასეთი ტიპის სირთულეებისათვის. თუმცა, თუ ღელავთ ცუდ ამინდში მისი მართვის შესაძლებლობებზე, თქვენ ვერაფერს გააკეთებთ უკეთესს გარდა იმისა, რომ ენდოთ სრული დატვირთვის AWD სისტემას და ყველა სეზონისათვის განკუთვნილ კარგ საბურავებს. თუ გჭირდებათ დამატებითი გაწევა(შეჭიდება) - ცენტრალური დიფერენციალური ჩაკეტვა აქტიურდება ღილაკზე დაჭერით, რითაც უზრუნველყოფილია მართვის კონტროლი.მაგრამ მიუხედავად ამისა, ეს არ აქცევს Rav 4-ს სრულყოფილ ყველგანმავალად.

ერთი რამ, სადაც RAV4 ნამდვილად ბრწყინავს მისი ურბანული როლის შესრულებაში, ესაა მისი ზომა. სამწერტილიანი მობრუნების შესრულება, ასევე სწრაფი პარალელური მანევრი პარკირებისას ან პიკის საათის დროს გადატვირთული მოძრაობიდან თავის იოლად დაღწევა გაცილებით მარტივია პატარა Rav4-ით. ცხადია, რაც უფრო დიდხანს მართავთ Toyota Rav 4-ს, მით უფრო აფასებთ Toyota-ს ადგილს მის ხანგრძლივ მემ კვიდრეობაში.განსაკუთრებით, როგორც საიმედო ავტომობილისა. რეალურად, უმეტესობა Toyota-ს მათ შორის Rav4-საც თვლის ყველაზე საიმედო ავტომობილებს მსოფლიოში. მანქანა საოჯახო მოხმარებისათვის,მეტი რა უნდა ისურვო?


დასკვნა

Nissan X Trail გვთავაზობს მაღტვის 2 ვარიანტს: ვიმოძრაოთ 2(WD) ან 4(WD) წამყვანი თვლებით. ეს კარგი წინაპირობაა იმ მძღოლებისათვის,რომელთაც უყვართ უქმეებზე უგზოობაში მანქანის მართვა, მიუხედავად იმისა, რომ ეს ავტომობილი განკუთვნილია ყოველდღიური გამოყენებისათვის. Toyota Rav4-ი Nissan X Trail-თან შედარებით განიხილება, როგორც ავტომობილი ყველა წამყვანი თვლით.ასევე Rav4 პოპულარულია ქალაქში მოძრავი მძღოლებისათვის,რომლებიც გადაადგილდებიან თავიანთ ოჯახებთან ერთად. ამასთან, თავგადასავლების მოყვარულთათვის, შესაძლებელია ორივე მანქანის აღჭურვა სახურავზე ველოსიპედის სამაგრებით ან მისაბმელით მანქანის უკანა მხარეს. თუ გჭირდებათ ვრცელი-ტევადი საბარგული სხვადასხვაგვარი ნივთების ტრანსპორტირებისათვის Nissan X Trail-ს აქვს მეტად ტევადი განყოფილება ვიდრე Toyota Rav 4- ს. Toyota Rav4-ს აქვს უკეთესად დამუშავებული ინტერიერი, მაშინ როდესაც Nissan X Trail-ი იყენებს ესთეტიურად მეტად მიმზიდველ და სასიამოვნო მასალას. დაბოლოს, იაპონური მანქანების სანდოობა საქვეყნოდ ცნობილია და ორივე მანქანა სარგებლობს კარგი რეპუტაციით და ეკონომიურია საწვავის მოხმარების მხრივ.